Миланнинг "Интер" жамоаси бошқарувчиси Симоне Индзаги фикрича, унинг жамоаси ишончлироқ ғалабага эришиши керак эди.
“Нерадзуррилар” Чемпионлар лигаси 1/8 финалида Марко Арнаутовичнинг 79-дақиқада урган голи эвазига 1:0 ҳисобида ғалаба қозонди.
“Йигитлар жисмоний ва техник жиҳатдан жуда қобилиятли рақибга қарши ажойиб ўйин кўрсатишди. Биламизки, бу фақат биринчи ўйин ва жавоб ўйини жуда қийин бўлади. Бугун яратилган барча имкониятларни инобатга олсак, фақат бир марта гол урганимиздан афсусдамиз. "Интер" йирикроқ ҳисобда ғалаба қозонишга лойиқ эди, аммо бу футбол, биз олдинга интилишимиз керак", - деди Индзаги Sky Sport нашрига берган интервьюсида.
