"Манчестер Сити" бошқарувчиси Пеп Гвардиола Англия премьер-лигасида чемпионлик пойгаси ҳақидаги саволга жавоб берди. "Брентфорд"ни мағлуб этган (1:0) "шаҳарликлар" "Арсенал"дан олдинга ўтиб, турнир жадвалида "Ливерпул"га яқинлашиб олди.
25-турдан кейин “Манчестер Сити” ҳисобида 56 очко бор, “канонирлар” 55, мерсисайдликлар эса 57 очкога эга.
“Йўл узоқ, олдинда кўп ўйинлар бор. Биз биринчи ўринга яқинлашдик, аммо мавсум қизғин паллада. Тез орада жуда қийин ўйинлар ўтказишимиз керак бўлади. Ўйлайманки, чемпионлик учун курашаётган учта жамоа бор, балки яқин ҳафталарда яна ҳам қўшилади. "Арсенал" ва "Ливерпуль" охиригача курашишига деярли ишончим комил", - дея Гвардиоланинг сўзларини келтиради BBC.
