ПСВ ярим ҳимоячиси Жои Веерман Чемпионлар лигаси 1/8 финали биринчи ўйинида Дортмунднинг "Боруссия"си билан дуранг ҳақида фикр билдирди.
“Ўйлайманки, биз иккинчи бўлимни назорат қилдик, ҳеч бўлмаганда ўзимни шундай ҳис қилдим. Биринчи бўлимда эса кўпроқ имкониятларга эга бўлдик. Шундай қилиб, бизда ғалаба қозониш учун яхши имконият бор эди. 1:1 ҳисоби яхши вариант. Кўп йигитлар биринчи марта ушбу босқичда ўйнашди. Биринчи бўлимда маълум қарорлар қабул қилганимизни ва танаффусдан кейин анча яхши ўйнаганимизни кўрган бўлсангиз керак”, — дея Веерманнинг сўзларини келтиради УEФА матбуот хизмати.
Жавоб ўйини 13 март куни Германияда бўлиб ўтади.
