"Арсенал" вингери Маркиньоснинг "Флуминенсе" клубида ижара шартномаси шартлари маълум бўлди.

Инсайдер Фабрицио Романонинг сўзларига кўра, Бразилия клуби футболчини 2024 йилнинг ёзида тўлиқ сотиб олишга қарор қилса, сотиб олиш суммасига 50 фоиз чегирма билан буни амалга ошириши мумкин бўлади. Шу тариқа, “Арсенал” 20 ёшли бразилияликнинг кейинги сотувининг 50 фоизини олади.

Маркиньос жорий мавсумни “Нант”да ижара асосида бошлаган. Франция чемпионатининг 7та учрашувида майдонга тушиб, 1та голли узатмани амалга оширди.

Бразилиялик футболчининг "Арсенал" билан амалдаги шартномаси 2027 йилгача мўлжалланган. Transfermarkt портали футболчининг нархини 7 миллион еврога баҳоламоқда.