Дортмунднинг “Боруссия” клуби бош мураббийи Эдин Терзич УЕФА Чемпионлар лигаси 1/8 финали доирасидаги Нидерландиянинг ПСВ (1:1) клубига қарши биринчи ўйиндан сўнг журналистлар билан суҳбатлашди.
"Бу натижа билан ҳаммаси ўз қўлимизда. Биз ўз уйимизда ғалаба қозонишимиз керак. Биринчи бўлимда ўйиннинг боришини назорат қилдик. Танаффусдан кейин унчалик яхши бўлмади, рақиблар яхши ўйнай бошлади. Бу жамоа Нидерландияни бекорга пешқадамлик қилмаётганини кўриб турибмиз. Аммо чорак финалга чиқиш учун бизда яхши имконият бор”, - деди Терзич УЕФА матбуот хизматига.
"Боруссия" ва ПСВ ўртасидаги жавоб учрашуви 13 март куни Дортмунд стадионида бўлиб ўтади.
