"Манчестер Юнайтед" раҳбарияти "қизил иблислар" сафида ижара асосида тўп тепаётган марокашлик ярим ҳимоячи Софьян Амрабатнинг келажаги борасида бир қарорга келди.
Ярим ҳимоячининг тўлиқ шартномаси "Фиорентина"га тегишли. TeamTalk хабарига кўра, манкунианликлар африкалик футболчини ижара шартномаси тугагач Флоренция клубидан сотиб олмасликка қарор қилган.
Англия Премьер-лигасининг жорий мавсумида Амрабат Эрик тен Хаг жамоасида 12та ўйинда иштирок этди. Ярим ҳимоячи учта сариқ карточка олиб, самарали ҳаракатларни амалга ошира олмади. "Манчестер Юнайтед" АПЛда ҳозирда олтинчи ўринда бормоқда.