"Арсенал" ҳимоячиси Габриэль Магальянс Чемпионлар лигаси 1/8 финалида Португалиянинг "Порту" жамоасига қарши бўлиб ўтадиган учрашув ҳақида гапирди.
Учрашув бугун, 21 февраль куни бўлиб ўтади. Ўйин соат 01:00да бошланади.
“Бу жуда муҳим учрашув. Биз Чемпионлар Лигасида ажойиб тарихга эга ажойиб жамоага қарши ўйнаймиз, аммо биз тайёрмиз.
Уларда юқори савияли футболчилар бор, лекин биз ўз ўйинимизга эътибор қаратамиз. Биз юксалишдамиз.
Сўнгги йилларда кўп нарсаларни ўргандик ва ҳар қандай турнирда курашишга қодирмиз", - дея Магальянснинг сўзларини келтиради УEФА расмий сайти.