Жереми Фримпонг "Байер"нинг Бундеслигада "Бавария"дан 8 очкога устунлиги ҳақида фикр билдирди.
"Биз бу мавсумда ҳали мағлубиятга учрамадик, аммо футболда ҳамма нарса бўлиши мумкин. Диққатни жамлаш керак.
Биз мураббийга ишонамиз ва бу мавсумда ўзгача нарсага эриша олишимизни биламиз. Мен соврин ютишни истардим ва бунинг учун Хаби Алонсонинг ўйин услуби муҳим. У етакчи мутахассислар қўл остида ўйнаган ва энди бу тажрибани бизга ўтказиши мумкин.
Унинг услуби ҳаммага ёқади, лекин бепарволик қилмаслигимиз керак. Ҳа, биз 8 очко олдиндамиз, лекин бу ҳеч нарсани англатмайди", - деди "Байер" ҳимоячиси.