Хабарингиз бор, эртага ОФК Чемпионлар лигаси нимчорак финал жавоб ўйини доирасида Наманганнинг "Навбаҳор" жамоаси Саудия Арабистонининг "Ал-Иттиҳод" (Жидда) клуби меҳмони бўлади.

Бугун мазкур ўйин олдидан учрашувнинг ташкилий масалаларига бағишланган йиғилиш ўтказилди. Унда бўлажак беллашув масъуллари, ҳар икки иштирокчи жамоалар вакиллари иштирок этишди.

Йиғилишда учрашув комиссари ва ўйин назоратчиси беллашувнинг ташкилий жиҳатлари юзасидан барча зарур маълумотларни тақдим этишди.

Шунингдек, эртанги ўйинда жамоалар қандай рангдаги либосларда майдонга чиқиши ҳам аниқлаб олинди. Унга кўра, мезбонлар қора-сариқ, "лочинлар" эса оқ рангли футболкаларда ҳаракат қилишади.

Эслатиб ўтамиз, “Ал-Иттиҳод” – “Навбаҳор” учрашуви 22 февраль куни Тошкент вақти билан соат 21:00 да Жиддадаги  "Қирол Абдулла" спорт мажмуасида бўлиб ўтади.