"Рома" ярим ҳимоячиси Брайан Кристанте мураббийлар ўзгаришидан сўнг жамоанинг ривожланишидан мамнун.
Январь ойи ўрталарида Жозе Моуриньо ишдан бўшатилди ва тез орада унинг ўрнига Даниэле де Росси тайинланди.
Италиялик қўл остидаги жамоа олти ўйиннинг тўрттасида ғалаба қозонди, фақат “Интер”га ютқазди ва “Фейеноорд” билан дуранг ўйнади.
“Де Росси келганида уни ҳеч қандай таништириш керак эмас эди. Бундай қийин вазиятда жамоани бошқариш унга осон бўлмагандир, лекин у ажойиб иш қилди.
Биз ҳозир нима қураётганимиздан, кимга айланаётганимиздан мамнунмиз. Бу қарор – Моуриньонинг кетиши ва де Россининг тайинланиши тўғри бўлиб чиқди", - дея Кристантенинг сўзларини келтиради Goal.
