"Интер Майами"нинг уругвайлик ҳужумчиси Луис Суарес Америка МЛС лигасидаги илк ўйинидан сўнг фикр билдирди.
Янги мавсумнинг очилиш ўйинида Суарес жамоаси ўз майдонида “Реал Солт-Лейк” устидан 2:0 ҳисобида ғалаба қозонди, ҳужумчи асосий таркибда майдонга тушди, 83-дақиқада иккинчи голга ассистентлик қилди ва алмаштирилди.
Суареснинг жамоадоши аргентиналик Лионель Месси ҳам голли узатмани амалга оширди.
"Мен МЛСда қийин рақобатга дуч келишимни билардим. "Интер Майами" чемпионлик учун курашда фаворитлардан бири, биз улар бизга қарши доим тўлиқ куч билан ўйнашларини билардик", - дея Суареснинг сўзларини келтиради Reuters.
