"Барселона" Чемпионлар лигаси 1/8 финалининг илк учрашувида "Наполи" билан дуранг ўйнади - 1:1. Учрашув Неаполдаги "Диего Марадона" стадионида бўлиб ўтди.
Каталонияликлар Чемпионлар лигасининг плей-офф босқичида сафарда ўтказган сўнгги ўнта ўйиннинг фақат биттасида ғалаба қозонишган. "Кўк-анорранглилар" яна тўртта дуранг ва бешта мағлубиятга учраган. Ушбу ўнта ўйинда жамоа атиги 4 та гол урди.
"Барса" охирги марта 2019 йилнинг апрель ойида "Манчестер Юнайтед" билан ўйинда (1:0) меҳмонда ғалаба қозонган.
