Леверкузеннинг "Байер" клуби ярим ҳимоячиси Флориан Вирц фаолиятини Испания чемпионатида давом эттириши мумкин.

Германиялик ярим ҳимоячи хизматларига "Реал Мадрид" қизиқиш билдирмоқда. Bild хабарига кўра, Вирцнинг ўзи 2025 йилгача "доричилар"ни тарк этишни режалаштирмаяпти.

У кейинчалик етук футболчи сифатида топ-клубга ўтиши учун тажриба орттирмоқчи. "Реал" ўз навбатида Вирцни келаси йили сотиб олмоқчи, бу эса футболчининг режаларига тўғри келади.

Флорианнинг трансфер нархи 100 миллион еврога баҳоланмоқда. Ярим ҳимоячининг "Байер" билан тузган меҳнат шартномаси 2027 йилнинг ёзида якунига етади.