Валенсиядаги кўп қаватли уйда ёнғин келиб чиқиши натижасида тўрт киши ҳалок бўлди. Минтақада мотам эълон қилинди ва маҳаллий жамоалар "Валенсия" ва "Леванте" бўлажак ўйинларини кейинга қолдиришни сўрашди.
Уларнинг рақиблари рози бўлишди, Ла Лига ва Федерация ҳам буни маъқуллади. "Гранада" - "Валенсия" (Примера) ва "Леванте" - "Андорра" (Сегунда) учрашувлари қолдирилди.
Ушбу ўйинлар 24 феврал, шанба куни бўлиб ўтиши керак эди. Эслатиб ўтамиз, “Валенсия” ҳозирда Испания олий дивизионида саккизинчи ўринда бормоқда. "Леванте" эса ўз навбатида иккинчи дивизион жадвалида ўнинчи ўринда бормоқда.
