Мадриднинг “Реал” клуби Ла Лига раҳбариятига “Сантьяго Бернабеу” стадионини хонанда Тейлор Свифтнинг концертига тайёрлашга кўпроқ вақт ажратиш мақсадида мавсумнинг сўнгги ўйинини қолдириш бўйича сўров юборди.
"Реал Мадрид"нинг Испания чемпионатининг сўнгги турида "Бетис"га қарши ўйини 24 май кунига белгиланган.
The Athletic хабарига кўра, "Реал Мадрид"нинг "Бетис" билан ўйини 24-май, якшанба куни, Eras Tour доирасидаги Тейлор Свифтнинг Мадриддаги концерти эса 30-май, пайшанба куни бўлиб ўтади.
Клуб Ла Лигадан стадионни ўйинга тайёрлашга вақт топиш учун учрашувни 23-май, шанба кунига кўчиришни сўради.
Сўровнинг қаноатлантирилмаслиги борасида қийинчиликлар бор, чунки ўша вақтга келиб ўйин иккала жамоа учун ҳам турнир аҳамиятига эга бўлиши мумкин. Чемпионлик учун кураш мавсумнинг сўнгги ўйинига қадар давом этиши эҳтимоли бор: мадридликлар энди турнир жадвалида иккинчи ўринда бораётган “Жирона”дан олти очко олдинда, “Бетис” эса Европадаги йўлланма учун курашни давом эттириши мумкин.
Спорт тамойилларига кўра, "Реал" лигадаги сўнгги ўйинини "Жирона" билан бир вақтда ўтказиши керак.
Хабарларга кўра, Мадрид, шунингдек, тадбирга бўлган талаб юқорилигини ҳисобга олиб, Свифтнинг иккинчи концерти учун қўшимча санани топишга ҳаракат қилмоқда. Свифтнинг гастрол сафари, шунингдек, бошқа йирик футбол стадионларида, жумладан, Ливерпулнинг "Энфилд", Лондоннинг "Уэмбли" ва Лионнинг "Групама" стадионларидаги концертларни ўз ичига олади.
