Саудия Арабистонининг тўртта энг бой клуби "Манчестер Сити"нинг ҳужумкор ярим ҳимоячиси Кевин Де Брюйнени ёзги трансферлар ойнасидаги асосий мақсад деб билишди. Бу ҳақда "The Times" нашри хабар бермоқда.

Манбанинг хабарига кўра, ушбу клублар бельгиялик футболчига ниҳоятда фойдали таклиф билан чиқишмоқчи.

Қайд этилишича, номи ошкор этилмаган ушбу клублар “Манчестер Юнайтед” ярим ҳимоячиси Каземиро ва “Ливерпуль” вингери Муҳаммад Салоҳни ҳам сотиб олишга уринишади.

Саудия давлат инвестиция жамғармасига тегишли бўлган "Ал-Иттиҳод", "Ал-Аҳли", "Ан-Наср" ва "Ал-Ҳилол" клублари ушбу курашда иштирок этиши кутилмоқда.

Эслатиб ўтамиз, жорий мавсум Де Брюйне барча турнирларда 10та ўйинда иштирок этиб, иккита гол ва саккизта голли узатмага муаллифлик қилган.