"Реал"нинг 34 ёшли ҳимоячиси Начо Фернандес фаолиятини Италия А Сериясининг топ-клубида давом эттириши мумкин. Бу ҳақда Todofichajes хабар бермоқда.
Манбанинг ёзишича, испаниялик футболчига "Милан" қизиқиш билдирмоқда. "Россонерилар" Фернандесни текинга қўлга киритиши мумкин, чунки унинг "Лос-Бланкос" билан шартномаси келаси ёзда тугайди.
Начо "Қироллик клуби"да 2012 йилдан буён ўйнаб келмоқда. Жорий мавсумда ҳимоячи Испания чемпионатининг 17та учрашувида иштирок этди. Фернандес битта сариқ карточка олди ва икки марта майдондан четлатилди. Начонинг трансфер нархи беш миллион еврога баҳоланмоқда.
