"Арсенал" бош мураббийи Микель Артета бугун, 24 февраль куни бўлиб ўтадиган "Ньюкасл"га қарши Англия Премьер-лигасининг 26-тур учрашуви олдидан ўз фикрлари билан ўртоқлашди.
"Порту"га қарши ўйинда мағлуб бўлганимиздан кейин бизга тўғри муносабат керак. Биз ўйин бошиданоқ стадионда керакли муҳитни яратмоқчимиз. Барчани ўйинга келиб, бор кучлари билан қўллаб-қувватлашларини сўрайман. Биз Премьер-лигада жуда яхши ҳолатдамиз.
Биз ҳар доим яхшироқ ўйнашни хоҳлаймиз. Биз яхшироқ ўйнай оламиз. Жамоа қанчалик яхши ўйнаса, жамоатчилик шунчалик яхши муносабатда бўлади", - деди Артета Football.London билан суҳбатда.
Эслатиб ўтамиз, "Арсенал" – "Ньюкасл" учрашуви Лондондаги "Эмирейтс" стадионида бўлиб ўтади.
