2025 йилги Клублар ўртасидаги ЖЧда ОФКдан 4 та клуб иштирок этишидан хабарингиз бор. Шунингдек, шу йилдан старт оладиган Қитъалараро кубокда Осиё, Африка, Океания, Жанубий ва Шимолий Америка қитъаларининг чемпион клублари финалда УЕФА Чемпионлар лигаси ғолибига қарши майдонга тушиш учун саралаш босқичида иштирок этишади.

Дастлабки ўйинда қуръага кўра, Осиё ёки Африка чемпиони Океания чемпионига қарши баҳс олиб боради. Ўйин ғолиби, қуръага асосан, А босқичига автоматик тарзда йўл олган жамоага қарши тўп суради. B босқичида эса КОНМЕБОЛ ва КОНКАКАФ чемпионлари ўзаро баҳс олиб боради. Ушбу ўйинлар кимнинг майдонида бўлиб ўтиши қуръа орқали аниқланади.

A ва B босқичлари ғолиблари ўртасидаги плей-офф учрашуви 2024 йилнинг 14 декабрь куни ўтказилиб, ғолиб жамоа 18 декабрь кунги финалда УЕФА Чемпионлар лигаси ғолибига қарши майдонга тушади. Плей-офф ва финал ўйинлари марказлашган тартибда ўтказилади.