"Челси" яна "Барселона" ҳимоячиси Жюль Кундени ўз сафига қўшиб олишга уриниб кўради, дея хабар беради журналист Грем Бейли .
Манбага кўра, "Челси" раҳбарлари яқинлашиб келаётган ёзги трансфер ойнасида Кундени қўлга киритишга уринишади. Лондон скаутлари Чемпионлар лигаси 1/8 финалининг "Наполи" билан биринчи ўйинида бўлиб, 25 ёшли футболчининг ўйинини томоша қилишди.
Кунде 2022 йилнинг ёзида 50 миллион евро эвазига "Севилья"дан "Барселона"га ўтган эди. Жорий мавсумда ҳимоячи "Блауграна"нинг барча турнирларида 32та ўйинда қатнашиб, иккита гол ва битта голли узатмани амалга оширди.
