Мадриднинг «Реал» клуби ёзги трансферлар пайтида ҳужум чизиғини «Манчестер Юнайтед» футболчиси Хавьер Эрнандес билан кучайтириши мумкин. Бу ҳақда «Mirror» нашри хабар тарқатди.
Чичарито ҳозирда майдонда кам вақт ўтказаётганидан норози бўлмоқда. Аслида Хавьер Эрнандес бу йилги мавсумда «МЮ» сафида 26 учрашувда 15та гол киритган. Бироқ Фергюсон кўпроқ Руни-Ван Перси тандемига ишонч билдирмоқда.
Аммо «МЮ» раҳбарияти уни фақатгина Роберт Левандовскини сотиб олишсагина қўйиб юборишни режалаштирган. Хабарда айтилишича, «Реал» мексикалик футболчи учун 20 миллион евро таклиф қилган.