Мадриднинг “Реал” клуби бош мураббийи Карло Анчелотти Испания Ла лигасининг “Севилья”га қарши ўйинидан олдин журналистлар билан гаплашди.
Италиялик мутахассисдан жамоанинг икки тажрибали ярим ҳимоячиси Лука Модрич ва Тони Кроос ўртасида танлов қилиш сўралган.
"Модрич ва Кроос ўртасида танлов қила оламанми? Мен учун улар бир хил. Мен уларнинг ҳар бирига мослаша оламан", - деди Анчелотти табассум билан.
"Реал Мадрид" айни дамда Испания чемпионати турнир жадвалида биринчи ўринни эгаллаб турибди. Карло Анчелотти шогирдлари иккинчи ўриндаги "Жирона"дан 6 очко олдинда.
