"Челси" бош мураббийи Маурисио Почеттино ва унинг ёрдамчилари жамоа футболчиси Михаил Мудрикда футбол заковати йўқ, деб ҳисобламоқда, дея хабар беради Football Insider нашри.

Манбага кўра, Мудрикда клуб тизимида муваффақиятли ишлаш учун зарур бўлган футбол заковати йўқ. Бундан ташқари, "Челси" мураббийлар штаби футболчининг ҳаракатларини якунлаш ва бирлаштириш қобилиятига шубҳа билан қарашади.

Эслатиб ўтамиз, Михаил Мудрик ўтган йилнинг январь ойида "Челси"га 70+30 миллион евро эвазига ўтган эди. Жорий мавсумда вингер "кўклар" сафида барча турнирларда 25та ўйин ўтказиб, 4та гол ва 3та голли узатмага муаллифлик қилган. Украина терма жамоаси футболчиси ва Лондон жамоаси ўртасидаги амалдаги шартнома 2031 йилнинг ёзига қадар тузилган.