Англиянинг «Манчестер Сити» клуби спорт директори Чики Бегиристайн жамоа номидан Мадриднинг «Атлетико» клуби ҳужумчиси Радамел Фалькао учун клубга 40 миллион фунт таклиф қилди. Бу ҳақда «The Mirror» нашри хабар тарқатмоқда.
Манбанинг хабар беришича, «шаҳарликлар» бош мураббийи Роберто Манчини клубнинг селекция ишидан норозилик билдирган. Шу сабабли Бегиристайн трансфер мавсуми бошланмай туриб «Атлетико» билан колумбиялик футболчининг трансфери борасида музокарани бошлаб юборган.
Шунингдек, жамоа ёзги трансферлар пайтида яна «Наполи» ҳужумчиси Эдисон Кавани ва «Сантос» ҳужумчиси Неймар билан ҳам қизиқишмоқда.