«Манчестер Сити» дарвозабони Жо Ҳарт Англия чемпионатининг 27-турида «Челси»га қарши учрашувдан (2:0) кейин ўз фикрларини билдириб ўтди.
Унинг фикрича, жамоа ҳали «МЮ»га биринчи ўринни топшириб қўймоқчи эмас. Ўртадаги фарқ 12 очкони ташкил қилаётган бўлса ҳам, жамоа футболчилари бу фарқни йўққа чиқариш мумкинлигига 100 фоиз ишонишмоқда экан.
«Биз яна бир маротаба ҳеч кимга бирор жиҳатда имкон бериб қўймаслигимизни кўрсатдик. Ҳатто «МЮ» билан орадаги жуда катта бўлсада, биз чемпионлик пойгасида курашни давом эттирамиз ва 100 фоиз бу фарқни йўққа чиқара олишимизга ишонамиз».
«Албатта реал олиб қараганда «МЮ» қолган барча учрашувларда ғалаба қозонадиган бўлса, бизда қувиб ўтиш имконияти бўлмаслиги аниқ. Бироқ биз «МЮ»нинг ҳар бир учраши мумкин бўлган муваффақиятсизлигидан унумли фойдаланишимиз керак бўлади», дея Ҳартнинг сўзларидан иқтибос келтириб ўтди «Sky Sports» нашри.