Испания чемпионатидаги навбатдаги ўйинда "Барселона" "Хетафе" билан тўқнаш келди ва рақиб дарвозасига жавобсиз тўртта гол урди. Ушбу учрашувдаги учинчи гол нидерландиялик ярим ҳимоячи Френки де Йонг томонидан киритилди.
Аниқлик киритилишича, унинг голи Каталония жамоаси иштирок этган барча турнирларни инобатга олган ҳолда клуб тарихидаги 11 000-голи бўлди. Нидерландиялик ярим ҳимоячи ўзининг муваффақияти ҳақида шундай деди:
"Салом, мен "Барселона" тарихидаги 11 000-голни урдим, бундан ҳам, ғалабадан ҳам жуда хурсандман. Қўллаб-қувватлаганингиз учун барчангизга раҳмат, биз кейинги ўйинни интиқлик билан кутмоқдамиз", - дея Френки сўзларини келтиради "Барселона" расмий сайти.
