"Бавария"нинг собиқ футболчиси Лотар Маттеус жамоа бош мураббийи Томас Тухель жорий мавсум охиригача ишламаслиги мумкинлиги ҳақида фикр билдирди.
“Бу қарор аниқ эди, буни қилиш керак эди. Томас мавсум охиригача жамоа бошқарувида қолиши айтилганди, аммо бунинг учун натижалар барқарор бўлиши керак эди. Акс ҳолда у эртароқ кетади. Шу боис Тухель ҳамон босим остида”, - дея Лотарнинг сўзларини келтиради Sky Sports Germany.
Охирги ўйинда "Бавария" "РБ Лейпциг"ни қабул қилди ва 2:1 ҳисобида ғалаба қозонди. Мюнхенликлар Бундеслигада “Байер”дан 8 очко ортда қолмоқда.
