"ПСЖ" бош мураббийи Луис Энрике нега бу мавсумда Чемпионлар лигасининг 1/8 финали дастлабки ўйинларида минимал ҳисоблар қайд этилгани ҳақидаги саволга жавоб берди.
“Бу прагматик фикрлаш. Бугунги футболда жамоалар савияси ўртасидаги тафовут қисқарган, кўрсаткичлар пасайиб бормоқда.
Кейинги босқичга ўтиши кафолатланган бирорта жамоа йўқ. Биринчи натижамиздан сўнг биз "Реал Сосьедад"га қарши жавоб ўйинининг мураккаблигини тўлиқ англадик.
Чемпионлар лигасида биздан кўпроқ ғалаба қозонишга умид қиладиган жамоа йўқ", - дея Энрикенинг сўзларини келтиради RMC Sport.
