Антонио Рюдигер Франк Лэмпард қўл остида "Челси"даги фаолияти ҳақида гапирди.
Лэмпард "кўклар"ни 2019 йилдан 2021 йилгача жамоани бошқарган. Лэмпард қўл остида Рюдигер асосий таркиб футболчиси мақомини йўқотганди.
"Тўғрисини айтсам, ўшанда нима бўлганини айта олмайман. Бу футболнинг бир қисми. Балки Лэмпарднинг бошқа ғоялари бўлгандир ёки у бошқа ўйинчиларни мендан яхшироқ деб ўйлагандир. Лекин футболнинг яхши томони шундаки, сиз майдонда жавоб бериингиз керак, менимча, мукаммал жавоб бердим.
Фаолиятимда бунақа нарса бўлмаган. Лэмпарднинг фаолияти охирида мен ҳатто ўйнадим. Мен шуни айтаман: агар бирор нуқтада бирор нарса ишламаса, у энди ишламайди. Лекин дунёда биронта футболчи атайлаб мағлуб бўлмайди.
Мен кетишни жуда хоҳлардим. "ПСЖ"га ўтишни хоҳлардим, бу менинг хоҳишим эди", — деди германиялик ҳимоячи.
Рюдигернинг таъкидлашича, у "ҳалол одам" деб атаган мураббий Томас Тухель туфайли Париж клубига ўтишни хоҳлаган.
Немис футболчиси "ПСЖ"га қўшилмади, аммо Лэмпард 2021 йилнинг январида ишдан бўшатилгач, Тухель "Челси" бош мураббийи лавозимини эгаллади. Унинг қўл остида Рюдигер асосий таркибга қайтди ва 2022 йилнинг ёзида "Реал Мадрид"га ўтгунча жамоада қолди.
