Бугун Олий лига ва Ўзбекистон Кубоги 2013 бахсларига кучли тайёргарлик олиб бораётган Тошкентнинг «Локомотив» клуби бу йил Олий Лигада қатнашиш йўлланмасини қўлга киритган, Бахтиёр Ашурматов бошчилик қилаётган «Гулистон» клубига қарши ўртоқлик назорат учрашувини ўтказди.

Бу учрашув 4 мартдан бошланадиган Олий Лига бахсларидан олдин сўнгги тайёрларгик бахсларида бири бўлди. Учрашувда ҳисоб ўйиннинг дастлабки декадасида очилди. Иван Нагаев хужумни чиройли якунлаб 7 дақиқада «темирйўлчилар»ни олдинга олиб чиқди. Орадан 10 дақиқа ўтар ўтмас Жасур Ҳасанов ҳам гол киритиб ҳисобни йириклаштирди.

Иккинчи бўлим ҳам «темирйўлчилар» босими остида ўтди. Хужумда бугун жудаям фаол ҳаракат қилган Иван Нагаев яна бир бор «Гулистон» дарвозасини ишғол қилди. Учрашувга нуқтани эса Дилшод Рахматуллаев қўйди. Якуний ҳисоб эса 4:0.

25 февраль (душанба)
«Локомотив» (Тошкент) – «Гулистон» (Гулистон) 4:0
Голлар: Иван Нагаев(7, 45), Жасур Ҳасанов(16), Дилшод Раҳматуллаев (72).
«Локомотив»: Павел Бугало, Шерзод Шарипов, Шавкат Муллажонов, Дилшод Жабборов, Салим Мустафоев, Жасур Ҳасанов, Виктор Карпенко, Павел Смоляченко, Санжар Турсунов, Иван Нагаев, Зайниддин Тожиев, Фарҳод Тожиев.
Иккинчи бўлимда: Артур Парванов, Ислом Тўхтаҳўжаев, Салим Мустафоев, Шавкат Муллажонов, Шерзод Шарипов, Алан Кусов, Дилшод Рахматуллаев, Садриддин Абдуллаев, Акмал Холматов, Бобурбек Тиллабоев, Зайниддин Тожиев.