Бирлашган Араб Амирликлари чемпионатининг 14-турида «Ал-Ваҳда» клуби сафарда «Ал-Батоиҳ» меҳмони бўлиб, иродали ғалабага эришди.

Биринчи бўлим сўнгида мезбонлар ҳисобни очган бўлса, иккинча тайм бошида меҳмонлар мувозанатни тиклашди. Учрашувнинг 78-дақиқасида эса Ҳожимат Эркинов гол уриб, «Ал-Ваҳда»га ғалаба келтирди. Ҳамюртииз 83-дақиқада захирага олинди.

«Ал-Ваҳда» ушбу ғалабадан сўнг ўз очколарини 24 тага етказиб, 5-поғонани мустаҳкамлади.

БАА чемпионати, 14-тур
«Ал-Батоиҳ» - «Ал-Ваҳда» - 1:2
Голлар: Боумал (45) — Нуруллоҳий (51), Ҳожимат Эркинов (78)