“Милан” А Сериянинг йигирма олтинчи туридан ўрин олган учрашувда ғалаба қозона олмади, Стефано Пиоли шогирдлари “Аталанта” билан дуранг ўйнади. Биринчи бўлим охирида ҳакам "Аталанта" фойдасига пенальти белгиламагунча ҳаммаси яхши кетаётганди. Пиолининг фикрича, унинг клуби дарвозасига пенальти жуда ноҳақ белгиланди.
"Холм қўлларини Жирунинг юзига қўйди ва бу яхши эмас. Орсато жаҳон даражасидаги ҳакам ва у шундай пеналти белгилагани ғалати. Умуман олганда, бугун очко йўқотдик", - дея Пиоли сўзларини келтиради pianetamilan.it.
А Сериянинг навбатдаги турида “Милан” Римнинг “Лацио” жамоасига қарши баҳс олиб боради.
