Ўзбекистон ОФК клуб мусобақалари рейтингини Ғарб минтақасида 5-ўринда якунлади.

Демак, 2024/25 ва 2025/26 мавсумларда "Элита Чемпионлар лигаси" ва "Чемпионлар лигаси 2" мусобақаларида биттадан жамоа Ўзбекистон шарафини ҳимоя қилиши аниқ бўлди. 2024/25 мавсумда "Элита Чемпионлар лигаси"да "Пахтакор" клуби иштирок этса, "Чемпионлар лигаси 2" мусобақасида "Насаф" жамоаси Ўзбекистон номидан қатнашади.

"Пахтакор"нинг бу мавсумдан академия футболчиларига кўпроқ таяниши ва сезиларли трансферларни амалга оширмаганини инобатга олсак, жамоага қитъанинг энг нуфузли мусобақасида қийин бўлиши аниқ.

2025/26 мавсумда ОФКнинг юқоридаги турнирларида қайси иккита жамоа иштирок этиши - Суперлига ва Ўзбекистон кубоги мусобақаларининг бу йилги мавсумидан кейин маълум бўлади.