"Ницца"нинг марказий ҳимоячиси Жан-Клер Тодибо "Барселона"га қайтишга тайёрми ёки йўқми деган саволга жавоб берди.
"Барселонага қайтишми? Нега йўқ? Бу клубдаги вақтимдан афсусланмайман. "Барселона" ажойиб тажриба бўлишда давом этмоқда. Жерар Пике, Самуэль Умтити ва Клемен Лангледан кўп нарсаларни ўргандим. Бу менинг ривожланишимга фойда келтирди, чунки мен энг юқори даражага чиқдим.
Мен хоҳлаган ўйин дақиқаларига эга бўлмадим, чунки мен энг яхши футболчилар билан рақобатлашардим. Мураббий босим остида қолган Эрнесто Вальверде эди. У 19 ёшли тажрибасиз йигитни майдонга тушириш учун Пикени захирада қолдира олмади", - дея Тодибонинг сўзларини келтиради Canal Plus.
Айни дамда Тодибога Англия Премьер-лигаси клублари "Челси" ва "Манчестер Юнайтед" қизиқиш билдирмоқда.
