"Челси" ярим ҳимоячиси Конор Галлахер келажаги ҳақидаги фикрлари билан ўртоқлашди. Аввалроқ, "кўклар" раҳбарияти англиялик футболчини келаётган мавсум оралиғида сотиши мумкинлиги ҳақида хабарлар тарқалган эди.
"Шартномам бир ярим йилдан кейин тугайди, аммо "Челси"да имкон қадар узоқроқ ўйнамоқчиман. Маурисио Почеттино қўл остида ўйнаш менга ёқади. Ўтган мавсумда мен мунтазам равишда таркибда бўлмагандим, аммо ҳозир ҳар бир ўйинда ўйнашдан завқланяпман", - дея Галлахернинг сўзларини келтиради журналист Саймон Филлипс.
Галлахерга "Ньюкасл" ва "Тоттенхэм" каби клублар қизиқиш билдирмоқда.
