"Chelsi" yarim himoyachisi Konor Gallaxer kelajagi haqidagi fikrlari bilan o‘rtoqlashdi. Avvalroq, "ko‘klar" rahbariyati angliyalik futbolchini kelayotgan mavsum oralig‘ida sotishi mumkinligi haqida xabarlar tarqalgan edi.

"Shartnomam bir yarim yildan keyin tugaydi, ammo "Chelsi"da imkon qadar uzoqroq o‘ynamoqchiman. Maurisio Pochettino qo‘l ostida o‘ynash menga yoqadi. O‘tgan mavsumda men muntazam ravishda tarkibda bo‘lmagandim, ammo hozir har bir o‘yinda o‘ynashdan zavqlanyapman", - deya Gallaxerning so‘zlarini keltiradi jurnalist Saymon Fillips.

Gallaxerga "Nyukasl" va "Tottenxem" kabi klublar qiziqish bildirmoqda.