"Барселона" спорт директори Деку Криштиану Роналду ва Лионель Месси ўртасидаги таққослаш ҳақида гапирди.

"Бу икки хил футболчи. Фаолиятининг бошида Роналду соф вингер эди – у тўпни қабул қилиб оларди ва фақат рақибларидан қандай қилиб ўтиб кетиш ҳақида ўйларди.

У ўйинчи сифатида жуда ўсди ва биз узоқ вақт давомида кўрган рақобатбардош ўйинчига айланди. У ҳар доим турли йўллар билан ривожланишга интилди. Месси ҳар доим табиий истеъдодга эга бўлган.

Вақт ўтиши билан у ўз ўйинини жаҳон футболига мослаштирди, лекин унинг ҳаракат қилиш усули ҳар доим бир хил эди.

Менга иккаласидан бирини танлаш қийин. Идеал дунёда иккаласи ҳам менинг жамоамда бўларди. Уларга шунчаки тўпни беришингиз мумкин, улар ҳамма нарсани қилишади", - деди Деку.