"Ливерпуль" бош мураббийи Юрген Клопп яна жамоа жадвалидан нолиди.
"Бу мамлакатда ҳеч ким квадрупл соҳибини кўришни хоҳламайди. Шу сабабли Англия кубогининг навбатдаги босқичи Лига Кубогининг финалидан кейинги учинчи кунга режалаштирилган.
Чоршанба куни ўйинга кимни олиб келишимизни билмайман", - деди Клопп.
25 февраль, якшанба куни "Ливерпуль" Англия лига кубоги финалида "Челси"ни мағлуб этди (1:0).
28 февраль, чоршанба куни Клопп шогирдлари Англия кубоги 1/8 финалида "Саутгемптон"ни қабул қилади.
Премьер-лигада "мерсисайдликлар" пешқадамлик қилмоқда ва "Манчестер Сити"дан 1 очкога олдинда.
Европа лигасининг 1/8 финалида Праганинг "Спарта" жамоаси билан тўқнаш келади.
