«Тоттенҳэм» клуби яримҳимоячиси Гарет Бэйл Англия премьер-лигасининг «Вест Ҳэм»га қарши кечган учрашувидан кейин ўйин борасида ва шунингдек, бўлажак рақиб «Арсенал» ҳақида ҳам ўз фикрларини билдириб ўтди.
«Мен шунчаки футболдан завқ олмоқдаман. Бу энг асосийси», дейди футболчи.
«Жамоа яхши футбол намойиш этмоқда ва зиммасига юклатилган вазифани яхши уддаламоқда. Аммо гап фақат мен ҳақимда эмас. Гап бутун жамоа ҳақида бормоқда».
«Бизни «Арсенал»га қарши жиддий учрашув кутиб турганини яхши биламиз. Уларда ажойиб шаклланган жамоа бор. Бироқ биз ғалаба қозониб уч очкога эга бўлишни ва кучли учликдаги ўрнимизни мустаҳкамлаб чемпионлар лигаси учун бериладиган йўлланма ўрнини сақлаб қолишга ҳаракат қиламиз», дея футболчининг сўзларидан иқтибос келтирмоқда «Sky Sports» нашри.