"Манчестер Сити" ярим ҳимоячиси Кевин Де Брюйне яқин келажакда Саудия Арабистони чемпионатида ўйнаш ниятида эмас. The Athletic хабарига кўра, 32 ёшли белгиялик футболчи фаолияти учун сўнгги манзил сифатида МЛСни кўрмоқда.
Эслатиб ўтамиз, Де Брюйненинг "Манчестер Сити" билан шартномаси 2025 йилнинг ёзида якунига етади. Катта эҳтимол билан белгиялик футболчи Пеп Гвардиола жамоаси билан шартномасини узайтиради, бироқ шартнома қанча давом этиши ҳозирча маълум эмас.
Аввалроқ, ёзда Саудия Арабистони клублари АПЛнинг жорий мавсумида битта гол ва 4 та голли узатмани амалга оширган Де Брюйнени қўлга киритишга астойдил ҳаракат қилишлари ҳақида хабар берилганди.
