"Милан"нинг португалиялик ҳужумчиси Рафаэль Леау "россонери"нинг собиқ техник директори Паоло Мальдини билан илк суҳбати ҳақида гапирди.
"Мальдини билан биринчи алоқа осон бўлмади. У келиши билан мени четга олиб: "Сен ижтимоий тармоқларда фотосуратлар учун ўйнайсан, бу ўзгариши керак, акс ҳолда сен ҳар доим бир мавсумда иккита гол уришда давом этасан”, деган. У ҳақ эди ва мен билан шундай гаплашганда ҳам ҳақ эди", - дея Леау сўзларини келтирган Sky Sport Italia.
Леау "Милан"да 2019 йилдан бери ўйнаб келмоқда. Жорий мавсумда вингер “россонери” сафида барча турнирларда 32 та ўйин ўтказиб, 9 та гол ва 8 та голли узатмани амалга оширди.
