"Челси" бош мураббийи Маурисио Почеттино Лига кубоги финалида "Ливерпул"дан учралган мағлубиятдан сўнг футболчиларнинг ҳолати ҳақида гапирди.
“Футболчилар чарчаган, чунки финалдаги мағлубиятдан кейин тикланиш ҳар доим қийин. Лекин мен жуда хурсандман, чунки барча футболчилардан сўрасангиз, уларнинг ҳар бири эртанги Англия кубоги доирасидаги "Лидс"га қарши ўйинда ўйнаш истагини билдиради", - деди Почеттино матбуот анжуманида.
Аввалроқ Мауриционинг "Челси"даги мавқеини анча қалтис дейиш мумкинлиги хабар қилинган эди. Мавсум якунида раҳбарият аргентиналик мутахассис билан ҳамкорликни давом эттириш тўғрисида қарор қабул қилади.
