Килиан Мбаппе "ПСЖ"ни тарк этиб, "Реал"га ўтишга тайёрланмоқда.
Форвард ўзининг яқин орада кетиши ҳақида ўз клубини хабардор қилган. 25 ёшли футболчи ҳали расман эълон қилинмаган бўлса-да, "Реал"нинг янги футболчисига айланиши керак. Инсайдер Фабрицио Романонинг сўзларига кўра, эълон албатта тез орада амалга ошади. "ПСЖ" ва Мбаппе ажралишларини қўшма мурожаатда эълон қилишлари кутилмоқда.
Франциялик юлдуз футболчининг парижликлар билан шартномаси июнь ойида якунига етади. Футболчи келишувни автоматик янгилаш имкониятини фаоллаштиришдан бош тортди ва янги шартномани муҳокама қилмади.
"Реал Мадрид" ўтмишда бир неча бор Килиан Мбаппени ўз сафига жалб қилишга уринган, аммо у қолишни маъқул кўрганди.
