Эрлинг Холанд “Лутон” дарвозасига учта гол урди.
“Манчестер Сити” ҳужумчиси Англия кубоги баҳсининг 3, 18 ва 40-дақиқаларида гол урди. Барча голлар ярим ҳимоячи Кевин де Брюйненинг узатмаларидан кейин киритилди.
Бу Холанднинг 2023 йил сентябридан бери илк хет-триги бўлди. Ўшанда у Премьер-лигада "Фулхэм" дарвозасини уч марта ишғол қилганди.
Норвегиялик футболчи фаолияти давомида 8 та хет-трик қайд этган.