Каталониянинг «Барселона» клуби мураббийи Хорди Роура «Реал»га қарши учрашувдан кейин ўйин борасида ўз фикрларини билдириб ўтди.

«Биз учрашувни жуда яхши бошладик, бироқ кейин «Реал» биргина қарши ҳужум билан «тоза» пенальти ишлаб олди. Иккинчи гол ҳм биз ўйинни яхши ташкил қилиб турган вазиятимизда киритилди».

«Биз энди бор эътиборимизни Испания чемпионатида муваффақиятга қаратишимиз керак бўлади. Бу жуда муҳим мусобақа. Ундан кейин «Милан»га қарши мураккаб ўйинни ўз фойдамизга ҳал қилишимиз лозим бўлади».

«Барселона» ҳар доим февралда ёмон формада бўладими? Бу ҳақиқат. Шунингдек, бизга олти кун ичида бир йўла учта муҳим учрашувларни ўтказганимиз ҳам қийинчилик туғдиргани бор гап».

«Менга ортиқча алоҳидалик керак эмас. Мен мураббий ёрдамчисиман. Барча қарорларни Тито билан маслаҳатлашган ҳолатда амалга оширмоқдаман», дея Роуранинг сўзларидан иқтибос келтирмоқда «barcastuff» твиттер аккаунти.