Испания аёллар терма жамоаси футболчиси Женнифер Эрмосо Испания Қироллик футбол федерацияси собиқ раҳбари Луис Рубиалес билан юз берган можаро унга қандай таъсир қилгани ҳақида гапириб берди.
Эслатиб ўтамиз, Испания аёллар ўртасидаги ЖЧ-2023 ғолибига айланди.
Жамоа ўйинчиларига олтин медалларни топшириш маросимида Рубиалес Эрмосонинг лабларидан ўпган.
"Мен ўз нуқтайи назаримни айтдим. Мен буни ҳеч қачон тушунолмайман, ўшанда бу мени хафа қилган ва ҳали ҳам мени хафа қилади.
Бу ҳолат мени жуда ўзгартирди, мени кучлироқ қиз қилди. Келажакда бундай ҳолат бошимга тушмаслиги учун кўп нарсани ўргандим", - дея Эрмосонинг сўзларини келтиради Испаниянинг AS нашри.
