Ispaniya ayollar terma jamoasi futbolchisi Jennifer Ermoso Ispaniya Qirollik futbol federasiyasi sobiq rahbari Luis Rubiales bilan yuz bergan mojaro unga qanday ta’sir qilgani haqida gapirib berdi.
Eslatib o‘tamiz, Ispaniya ayollar o‘rtasidagi JCH-2023 g‘olibiga aylandi.
Jamoa o‘yinchilariga oltin medallarni topshirish marosimida Rubiales Ermosoning lablaridan o‘pgan.
"Men o‘z nuqtayi nazarimni aytdim. Men buni hech qachon tushunolmayman, o‘shanda bu meni xafa qilgan va hali ham meni xafa qiladi.
Bu holat meni juda o‘zgartirdi, meni kuchliroq qiz qildi. Kelajakda bunday holat boshimga tushmasligi uchun ko‘p narsani o‘rgandim", - deya Ermosoning so‘zlarini keltiradi Ispaniyaning AS nashri.
