Камерун терма жамоаси бош мураббийи Ригобер Сонг истеъфога чиқди, деб хабар берди мамлакат футбол федерацияси раҳбари Самуэль Это'О.

"У бу жамоага кўп нарса олиб келди, лекин футбол қонунлари шундай... Биз ўз олдимизга қўйган мақсадларга эришмадик, ижроия қўмитамиз ва мен унинг шартномасини узайтириш имкониятини кўрмаяпмиз. Мен у билан вазиятни муҳокама қилдим. Мен ўз позицияларимизни белгилаб олдим, энди биз келажак ҳақида ўйлашимиз керак”, — дея Это'О сўзларини келтиради France24.

2024 йилги Африка Миллатлар Кубогида Камерун 1/8 финалда Нигерияга (0:2) мағлуб бўлди.

47 ёшли Сонг 2022 йилнинг февралидан буён терма жамоани бошқариб келаётганди. Унинг қўл остидаги жамоа 23 учрашув ўтказган - 6 ғалаба, 8 дуранг ва 9 мағлубият.