“Ан-Наср” ҳужумчиси Криштиану Роналду мухлисларга нисбатан одобсиз ишора қилгани учун дисквалификация қилинди, деб хабар беради L'Equipe.

Манба берган хабарга кўра, 39 ёшли португалиялик Саудия Арабистони чемпионатининг 21-туридан ўрин олган "Аш-Шабоб"га (3:2) қарши ўйинда кўрсатган жести учун битта ўйинга дисквалификаcия қилинган. Роналдунинг ўзи бу белги "куч ва ғалабани ифодалайди" ва Европада "ҳамма бунга ўрганиб қолган" деб айтди.

Жорий мавсумда Роналду “Ан-Наср” сафида барча мусобақаларда 29 та ўйин ўтказиб, 28 та гол урди ва 11 та голли узатмани амалга оширди.