"Наполи" президенти Аурелио Де Лаурентис жамоа ҳужумчиси Виктор Осимхеннинг келажаги ҳақида гапирди.

"Баъзи ўйинчилар кўп йиллар жамоада қолишади, бошқаларга "ПСЖ", "Арсенал", "Манчестер Сити", "Челси" қизиқиш билдирмоқда... Бой клублар хоҳласа, ўйинчиларни сақлаб қолиш қийин. Тасдиқлашим мумкинки, унинг шартномасида жуда юқори товон миқдори кўзда тутилган", - дея Де Лаурентиснинг сўзларини келтиради журналист Фабрицио Романо.

25 ёшли нигерияликнинг “Наполи” билан шартномаси 2026 йилгача мўлжалланган. Transfermarkt портали унинг нархини 110 миллион еврога баҳоламоқда.

Жорий мавсумда Осимхен “Наполи” сафида 21 та ўйинда майдонга тушиб, 13 та гол урди ва 4 та голли узатмани амалга оширди.